Бонд гэдэг нь хөрөнгө оруулсан дүнгээс тогтоосон хугацаанд тогтмол хүүгийн орлого олох боломжтой хөрөнгө оруулалтын нэг төрлийн хэрэгсэл, үнэт цаас юм.

Ногоон бонд нь энгийн бондоос зорилго, зарцуулалтын хувьд ялгаатай. Ногоон бондыг байгаль орчинд ээлтэй төсөл, хөтөлбөрийг санхүүжүүлэх зорилгоор гаргадаг. Ногоон бонд гаргахдаа ямар чиглэлийн ногоон төсөл хөтөлбөрийг санхүүжүүлэхийг үнэт цаасны танилцуулгад тусгайлан тусгасан байдаг бөгөөд зөвхөн тухайн зориулалтаар ашигладгаараа онцлогтой.

Бонд худалдан авахад дараах алхмуудыг хийнэ. Үүнд:

• Үнэт цаасны данс нээх: Үнэт цаасны дансгүй бол Монголын хөрөнгийн биржид бүртгэлтэй үнэт цаасны компаниар дамжуулан үнэт цаасны данс нээлгэх шаардлагатай. Монгол хөрөнгийн биржид бүртгэлтэй үнэт цаасны компанийн жагсаалттай ЭНД дарж танилцана уу.
• Мөнгө байршуулах: Өөрийн үйлчлүүлдэг үнэт цаасны компанийн өгсөн зааврын дагуу үнэт цаасны дансандаа бонд худалдан авах төлбөрөө байршуулснаар захиалга өгөх боломж бүрдэнэ.
• Захиалга өгөх: Та өөрийн үйлчлүүлдэг үнэт цаасны компаниар дамжуулан биечлэн очиж захиалга өгөх боломжтойгоос гадна онлайн брокерын үйлчилгээгээр бонд худалдан авах захиалгаа өгч болно.
• Бонд худалдан авсан эсэхийг шалгах: Бондын анхдагч зах зээлийн захиалга хүлээн авах хугацаа дуусгавар болж, зохицуулагч байгууллагын холбогдох зөвшөөрөл гарсны дараа та ХААН Банкны ногоон бондын эзэмшигч, хөрөнгө оруулагч болох бөгөөд энэ тухай дэлгэрэнгүй мэдээллийг захиалга өгсөн үнэт цаасны компаниас тодруулах боломжтой.

Тийм. Үнэт цаасны данстай байх шаардлагатай. Данс нээхэд дараах бичиг баримт хэрэгтэй:
Дэлгэрэнгүй мэдээллийг

• 1. Иргэний үнэмлэх
• 2. Насанд хүрээгүй бол төрсний гэрчилгээ, данс захиран зарцуулагчийн иргэний үнэмлэхийн хуулбар

Тийм. Энэхүү ногоон бонд нь нээлттэй арилжаалагдах тул худалдан авсан бондоо чөлөөтэй арилжаалж, зарах боломжтой. Монголын хөрөнгийн биржийн хоёрдогч зах зээлийн арилжаагаар дамжуулан өөрийн үйлчлүүлдэг үнэт цаасны компанид захиалга өгч, хөрөнгө оруулагчид өөр хоорондоо чөлөөтэй худалдан авч, зарж болно.

ХААН Банкны “Ногоон бондын санхүүжилтийн хүрээ”-нд тусгагдсан дараах үндсэн долоон чиглэлийн хүрээнд шаардлага хангаж буй ногоон төсөл, хөтөлбөрүүдийг санхүүжүүлэхэд ногоон бондын хөрөнгийг зарцуулна. Үүнд:

• Сэргээгдэх эрчим хүчний төслүүд
• Эрчим хүчний хэмнэлт үүсгэх бүтээгдэхүүн, үйлчилгээ, төслүүүд
• Ногоон барилгын шийдлүүд
• Бохирдлоос урьдчилан сэргийлэх, бууруулах үйл ажиллагаа
• Усны менежмент, усны хэмнэлттэй технологи
• Тогтвортой хөдөө аж ахуй, мал аж ахуй
• Ногоон тээвэр

Монголын хөрөнгийн бирж дээр гарч буй нээлттэй бондын хүүгийн орлогод 5% орлогын албан татвар ногддог.

Бонд гаргагч нь тодорхой үнийн дүн бүхий бондуудыг бүхэлд нь нэг удаа зохицуулагч байгууллагуудад бүртгүүлж, тэдгээрийг хэд хэдэн удаа хэсэгчлэн бондуудын тоо, татан төвлөрүүлэхээр зорьж байгаа хөрөнгийн хэмжээ, үндсэн болон хүүгийн төлбөр төлөх нөхцөл, үнэ, хүү нь харилцан адилгүй нөхцөлтэйгөөр хөрөнгө оруулагчдад санал болгож болно. Үүнийг бондын гаргах хөтөлбөрийн хэрэгжүүлэлт гэж нэрлэдэг бөгөөд энэ тухай үнэт цаасны танилцуулгад тодорхой тусгасан байдаг.

Стратегийн хөрөнгө оруулагч нь тухайн хөрөнгө оруулж буй банкаар дамжуулан эдийн засгийн хөгжилд хувь нэмрээ оруулах хөрөнгө оруулагчид юм. Ногоон бондын хувьд стратегийн хөрөнгө оруулагч нь ногоон эдийн засгийг дэмжих, олон улсын сайн туршлагыг зах зээлд нэвтрүүлэх боломжтой олон улсын хөрөнгө оруулагчдыг хамруулан ойлгоно.

Төгрөгийн Бонд нь Ногоон бондын хөтөлбөрийн хүрээнд эхний үе шатаар гарч буй олон нийтэд санал болгох нээлттэй арилжаалагдах төгрөгөөр гарах бонд бол Ам.долларын Бонд нь хоёр дахь үе шатаар гарч буй ХААН Банкны ирээдүйн тогтвортой хөгжлийн зорилтуудыг хэрэгжүүлэхэд хувь нэмэр оруулах олон улсын стратегийн хөрөнгө оруулагчдад санал болгох ам.доллараар гарах бонд юм. СЗХ-ны "Өрийн хэрэгслийн бүртгэлийн бүртгэлийн журам"-ын 4.4-д заасны дагуу тус бондуудын тоо, татан төвлөрүүлэхээр зорьж байгаа хөрөнгийн хэмжээ, үндсэн болон хүүгийн төлбөр төлөх нөхцөл, үнэ, хүү нь харилцан адилгүй байх юм.
Нэмэлт мэдээлэл
ХААН Банк нь Ногоон Бондын Хөтөлбөрийн хүрээнд гаргах ам.долларын бондод хөрөнгө оруулах сонирхолоо илэрхийлсэн тодорхой хэдэн олон улсын хөгжлийн банк санхүүгийн байгууллагуудтай хөрөнгө оруулалтын хэлэлцээрийн шийдвэр гаргах эцсийн шатандаа явж байгааг дуулгахад таатай байна.
Ам.долларын бондын нөхцөлүүд нь Төгрөгийн бондын нөхцөлүүдээс зарим талаараа ялгаатай байх бөгөөд эдгээр нөхцөлүүдэд бондын хүү, хугацаа, төлбөрийн тасалдал, гэрээний үүргийн зөрчлүүд, түүнд авах арга хэмжээ, гэрээгээр хүлээх үүргүүд, санхүүгийн харьцаа үзүүлэлтүүд, хөрөнгөөр баталгаа гаргахад тавигдах хязгаарлалт, гэрээний нөхцөл зөрчигдөх нөхцөл байдал үүсэх тохиолдолд бондыг хугацаанаас өмнө худалдан авах нөхцөл, бодлогын хүрээнд байгаль орчин, нийгмийн үүргүүдийг ханган ажиллах үүргүүд зэрэг бусад нөхцөлүүд багтаж болно.
Уг нөхцөл, эрх, үүргийг илүү ойлгомжтой болгох үүднээс шаардлагатай тохиолдолд Ногоон бондын хөтөлбөрийн танилцуулга болон “Бондын гэрээ”-нд нэмэлт өөрчлөлт оруулж, Өрийн хэрэгслийн бүртгэлийн журамд заасан зохих ажиллагааг хэрэгжүүлж, холбогдох хүсэлтийг ам.долларын бондыг олон нийтэд санал болгохоос өмнө эрх бүхий байгууллагуудад хүргүүлэх болно.
Бондын Гэрээний 6.8-д заасны дагуу ам.долларын бондын нөхцөл, эрх үүргүүдийг Бонд гаргагч нь стратегийн хөрөнгө оруулагчидтай урьдчилсан хэлэлцээр хийн харилцан тохиролцох бөгөөд уг нөхцөлүүдийг тусдаа гэрээгээр зохицуулах юм.